أما بعد :
فيسعدني أن يطلع على ما أخفيه شخصٌ لا أعرفه وأن لا يطلع عليه شخص أعرفه وأن لا يكون بيني وبين من لا أعرفه شيء يجعله يجهل من أكون ,,, فأنت وأنا مثل من جلس بينه وبين نفسه فبدأ يدون مايجول في خاطره وبما أننا بشر فكل مايجول في خواطرنا هو نفسه المتفرق بيننا
والكل يصف هذه الصور وتختلف الوجهات وتختلف الطرق ولكن الدافع واحد وهو المشاعر ...
فبعد هذه الفلسفه الغير منطقيه مرحبا بكم في عالم الغموض
إن كان ما قد فات مني قد مضى ,,, فبم التعلل في الشباب عن الصبى
سيما بموقت ٍ فيه أوفى صاحبٍ ,,, أعداء عدوٌ إن تفطًنَتِ الورى
لقد عدت ولله الحمد إعذروني لم أخبركم بأن كل ما سيدَوّن في هذه المدونة من شعر فهو من بدعي إرتجالي أي ( لن أكتب بيتا من قصائدي القديمة بل سأدخل المدونة ومن دون مقدمات سأكتب مايدور في خاطري ) وهكذا وطبعا بين فصيحٍ ونبط ٍ ستجدونني
طاح القلم .. حاولت أشيله.. وطاحت ,, يدي على عيني تواسي هالدموع
ساح الحبر .. من دمع عيني ..وساحت ,, كل القصايد وإنطفت ذيك الشموع
راحت حياتي منك ياهيه راحت ,, أدخل على الله واسني وقتي فجوع
إلى متى بصبر وكبدي منك فاحت ,, تنام وأسهر لك على نايف الكوع
خروووج >>
لولى السعادة لم أكن معكم حزينا ,, ياليت شعري هل تطيب لنا يمينا
ياليت شعري هل لذا المحروم حسره ,, أم ليت شعري هل له دنيا ودينا
ماهو أنا اللي يحسب الشمس بدرا
كل البشر ما تجهل الشمس .. حتى أنت
,,
حلو الكلام اللي على البال يطرى
شف كيف يصبح وجه راعيه .. لا هنت!
,,
شوف القمر وشلون { بالليل يعرى }
الله ياذاك القمر بالعراء .. زنت !
,,
والله ما تفهم مُرادي .. وأنا أدرى
خلّك من المعنى وشوف أنت .. وين أنت !!
خروووج
مالي أرى الناسَ قد بارتْ صداقتهم ,, كأن لم يصدق الإنسانُ إنسانا
مالي أرى الناسَ قد شانتْ فعائلهم ,, كأن لم يورث الإحسانُ إحسانا
لو يعلم الناس ما في الجودِ من أجرٍ ,, لبات من يحرم المحتاجَ ندمانا
شارت إلي بطرفها فتمايلت ,, وكأنها الغصن الرقيق الأرطبا
فمشت فقلت الريح قد دفعت بها ,, عن غير ماكنت تريد وترغبا
فظننت رجلاها على طين ٍ مشت ,, أو رأسها عن جذعها يتهربا
ماختارت الأنوار أوبدر السماء ,, لما بدا لي وجهها أن يغربها
فتبسمت لمّا رأتني حائرا ,, عجبا لأمري !! منه ذا يتعجبا !!
أعتذر . لي عوده للقصيدة لعدم كمالها ولضيق الوقت قررت أن أضيف المشاركة لحفظها من الضياع وسوف أعدّل مايلزمها وأكمل فكرتها في المشاركة القادمه أجدد أسفي .
أرجوزه : هي قصيدة , كل بيت فيها له قاف مُوحّد بين الصدر والعجز , وكل قافية بيت تختلف عن قافية البيت الأخر .
أحببت أكتب على هذا النوع الغريب بالنسبة للشعر النبطي .
في صفحتي أبيات ماهي قصايد ,, كتبتها من دون تفكير زايد
يمكن ترى ماتعجب القاريء لها ,, لكن ترى بعض الفوايد بها
ويمكن ترى ما تفهم اللي أريده ,, وإذا حصل في بيت : تقدر تعيده
لكن تأكد كل بيت ٍ كتبته ,, في فضفضة شاعر على قصد جبته
عشان يفهمني فهيم الإشاره ,, لا قلت له حط الذهب في مغاره
صحيح انا شاعر وعيب ٍ عليّه ,, أكتب طلاسم في كفوف بدويّه
لكن ترى ديوان شعري كتبته ,, وبالمنتدى مافيه بيت ٍ عرضته
لأن القصايد كلّ ابوها غوالي ,, والنِت لأبيات القصايد زوالي
اذا بغيت الشعر حطّيت كفّي ,, على الحروف وجاب لي مايكفي
الشعر مثل الموز والخوخ والتوت ,, وكلٍ على ذوقه تغذّا من القوت
يمكن كرهك الناس من شان شِعرك,, ويمكن يقولوا منه : لله درّك
خذ من كلامي زبدة السالفه ذي ,, هي في ظلام اليل ياصاحبي ضي
الشمعه الأولى: ذكر رب الأجناس ,, إذا خلت نفسك بذنب ٍ عن الناس
والشمعه اللي بعدها : أطلب العلم ,, كم شي تجهل فيه ياصاحبي كم
والشمعه اللي بعدها: صحبة الخير ,, زانت مجالسهم بذكرى وتذكير
والرابعه عش كنّك اليوم بتموت ,, وفعل ليومك فعل خايف ومبهوت
هذي هي الشمعات تكفيك تكفيك ,, الصبح ياقربه.. إذا أذّن الديك
التعديل الأخير تم بواسطة إنباح سدّي ; 30-04-2010 الساعة 12:52 AM.
ما أدري أنا مدعوا للمنتدى من قبل عضو عزيز على قلبي ولاحظت المنتدى مختص بالتصاميم << طيب
فيعني أقول لأعظائنا المبدعين إذا قرأوا المدونه ... ويعني << إبلش
إذا مثلاً أعجبهم بيت أو بيتان أو قصيده يسولوي تصاميم << والله إنك بجح
التعديل الأخير تم بواسطة إنباح سدّي ; 05-05-2010 الساعة 02:56 AM.
فيه دكتور عندنا بالجامعة عزمني على الفطور يوم من الأيّام فحاولت أصرّفه قلت له أنا مشغول قال أي سعودي : مش فاضي على الفاضي فكّرة في كلامة قلت : الله يقويك
فمن هذا الباب أقول كنت أمس أخطّط على مشروع ويوم أصبحت لا رحت ولا جيت فطرأ عليّ البيت :
بأوّل الليل نبني بالسّماء كبري ,,, واليا أصبح الصبح لا رحنا ولا جينا
يعني بعد هذه المقدّمة الّي مدري وش تبي أقول : الله يعينكم عليّ مامن فكّه بدبل كبودكم
على طاري الدكتور - وهذه فائدة على الطاير - الدكتور (أطال الله في عمره) يدرّسنا بلاغة , فجاء موضوع عن ( التعقيد المعنويّ في الشعر) , أي ( إخفاء المعنى بمعنى آخر) اللي نسمّيه بالعاميّه فتل , فتطرّق إلى مثال أعجبني قلت أنقله لكم للفائدة :
يقول : كتب إبراهيم حافظ إلى أحمد شوقي بيتا ً من الشعر ِ يداعبه به , والبيت يقول فيه -أيّ إبراهيم حافظ -:
يقولون إنّ الشوق نارٌ ولوعةٌ ,, فما بال شوقي أصبح اليوم باردا
يقول : فغضب أحمد شوقي فأرسل إليه قائلاً :
أودعت إنساناً وكلباً وديعةً ,, فضيّعها الإنسان والكلب حافظ
فخررررررر الجميع ضحكاااااااااااااااا أما أنا فقد تدربيت بالقاعة مزيحا الطاولات من شدة الضحك ولم نكمل المحاضره << أقول إركد
مدخل :
من جاب لك كلمة ٍ .. كلمتك ودّاها ,, حمّال الأسفار دوم يجيب ويودّي
""""""""""""""
أنت .. ياللي ماترى العالم بشر ! ,, والله إنك في نظر عيني .. حقير!
لا تِتْعب عيونك .. ترى حدّك نظر! ,, قلتها لي .. وأنت بالدنياء صغير!
من يفكّك لا نويتك .. ياخبر ! ,, والله إن قلبك من الروعه يطير
التعديل الأخير تم بواسطة إنباح سدّي ; 10-05-2010 الساعة 12:53 AM.
يا هل ترى أقضي الحياة فقيرا ,, أم هل أُرى من بعد ذاك أميرا
أم هل كريم العين يطمع أن يرى ,, مايجعلن بصر الفؤاد ضريرا
إني جنيت من الهوى ثمر الهوى ,, والنار ما في حرها لك خيرا
أحكمت عقلا في الأمور أدلّني ,, وكفى فؤادي بالجوج بصيرا
أنت غير مسجل في SILVER designer . للتسجيل الرجاء إضغط هنـا
اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك 
فضفضة شااااعر
( أحب ) 
ومالها داعي بعد 
اووه كاف
الله يلعن ... ياولد
<<<طررررااااخ برااااااااااااا
, إلا أن أشكركم على حسن ضيافتكم 
قال أي سعودي : مش فاضي على الفاضي 
العرض العادي
